ريبال مرداس أنا الدرزي طالع على مسيرة مار شربل القدّيس يللي رجَّعني للحياة وهيدي قصتي

كتب الشاب ريبال مرداس عبر صفحته على فايسبوك رسالة توجَّه من خلالها إلى كلّ القرّاء وروّاد مواقع التواصل الإجتماعي مُعبِّراً عن حبِّه الكبير للقدّيس شربل الَّذي غيَّر حياته وعمَّق في قلبه الإيمان

قائلاً : بعتذر على التعبير أنا ريبال مرداس من الطائفة الدرزيَّة

المسيرة في ٢٥ أيلول يلّي متل ما عرفت إنّو صديقة العائلة لارا سليمان نون هيي دينامو بهل مسيرة لعند مار شربل بس أنا إيه بدّي خبركم هل تجربة يلّي كانت ومازلت وراح ضل مهمة ولهل سبب راح كون ب ٢٥ بعنّايا

أنا من سنوات تعرضت لحادث سير وفتت بغيبوبة لأشهر وبعد ما الطب فقد الأمل وقال للأهل هلقد تعلمنا

كان خيار الوالدة الإتجاه لعند مار شربل وهيك صار طلعت ماما من بحنس لعندو وطلبت منو وجابت زيت وتراب وعادت إلى بحنس ودخلت غرفة العناية الفائقة بالسرّ عن إدارة المستشفى وخلطت الزيت بالتراب و حَطّتن على راسي مطرح ما كانت الإصابة

وأنا يلّي كان صاير معي مكسورة جمجمة راسي والورم عم يدفش الدماغ لبرّا

وبقدرة ربنا وشفاعة مار شربل بعد ٤٨ ساعة دخل الحكيم والبروفسور دايفيد أيوب ويصرخ مدام شو صار وشو عملتي؟

وقف الورم وبلَّش ريبال يتحسَّن وبعد يوم إضافي أنا بلَّشِت حرِّك جسمي وهيك معجزة مار شربل رجَّعتني عالحياة وانا راح امشي ب 25 وراح إقنع كلّ أصحابي يمشو معي

و للصديقة لارا بقلها إيمانك متل إيماني وأكتر شوي